Тапија од животот

SanjaMKD (Sanja Atanasovska)
290 134

9 нояб. 2017 г., 23:16

Поэзия » Философская

237 0 0

Не плаши се од крикот

на лошите луѓе

што ќе ги сронат твоите добри дела

и од планини со злато

ќе направат прашина

тепих за своите неважни чекори

еден ден сите карти ќе бидат отворени

сите зборови ќе бидат кажани

ќе се разбереме со скршени погледи

и половични шепоти

еден ден предавниците ќе бидат предадени

и ќе си одиме секој по свој пат

со својата тапија од животот.