ГЛАГОЛСКО НЕВРЕМЕ
сторен глаголско невреме, ѓаволот глаголи,
го топи ледникот на придавките од именките
и го брише лицето на времето од смислата
а се` почна близу трпезата на едни рајски луѓе,
кога беше пуштен од апстрактната алка на адот
за да го направи првото свое злодело во јазикот
и така, соковите што ги пиеја безгрижните луѓе
реши да ги испече со огнот на своите глаголи -
направи огнот да стане пареа, а пареата кончица
сите дојдоа до дулецот од казанот и го прашаа
Што правиш убавецу, а тој им рече - рајводица ...