ЧИТАЊЕ ОД ДЕСНО КОН ЛЕВО
Ако наутро ви се замаглени стаклата на прозорците –
замаглени се од дишењето на вашите соништа.
Тогаш, собата во која спиете
е матка во која сте заштитени од студот.
Ако е премногу студено,
соништата ќе бидат смрзнати како цвеќе од мраз
во цветната градина на зимата што веќе дошла.
На лединката од будењето,
никој не може да види што ли сè сте сонувале,
освен, ако не напишете нешто на прозорците.
Ете – така поетите ги запишуваат своите соништа – ...