Писмото на десетте прсти

SanjaMKD (Sanja Atanasovska)
284 135

29 дек. 2017 г., 13:00

Поэзия » Любовная

238 0 0

Имам само десeт прсти

и едно писмо што отстојува

во фиоката на мојот живот

затоа што немам црвена љубов во розов свет

ниту зелена надеж во сивото секојдневие

ниту бела светлина

што ќе ме донесе до тебе

немам патека од каде да тргнам

ниту место каде ќе стигнам

имам само десет прсти

и едно писмо

на кое му се навраќам по којзнае кој пат

за да го пишувам, допишувам и препишувам

за тебе и само за тебе.