SanjaMKD (Sanja Atanasovska)
284 135
17 дек. 2018 г., 07:51

Борба 

  Поэзия » Философская
405 1 2

Се враќам на почетокот 
со корени во детството
и со тишина те будам 
од соништа кои нема да се остварат. 

 

Јас би те заборавила 
би те избришала без двоумење
и би се борела 
дури и кога мојата борба е оцрнета 
би се борела со згазено его 
ослободена од суета
со помисла на лажните ветувања 
оставени во могила. 

 

Плаќам за гревови 
од некои претходни животи
а ти живееш 
со товарот на лошите проценки. 

 

Во ликот на странецот 
што се оддалечува 
видов што сакам за себе си. 

 

После секое зазорување
продавам тага 
за да купам љубов
и секој ден истата песна се повторува. 

 

Се движам грациозно во кружницата 
на мојата натална карта
мојата борба добива димензии на вечност. 

© Sanja Atanasovska Все права защищены

Свързани произведения
Комментарии
Пожалуйста, войдите в свой аккаунт, чтобы Вы могли прокомментировать и проголосовать.
Предложения
: ??:??