Сите ѕвезди од моето небо

16 abr 2016, 23:25

Poesía » De amor

444 0 3

На кого сега да му ги подарам

Кога бескрајот ме исцрпува додека одам

И за кого сега пеат тие нежни симфонии

Во срцето

Кога пред вратата на моите сништа не се слушаат стапалки

И би молчел за сето ова

Би молчел и за ноќите што ги бојам со плава светлина

Би молчел навистина

Но тешко е да се заборави,но потешко е кога се сеќавам

Би молчел

Но тежината од небото е најтешка

Навистина

Сите ѕвезди од моето небо

На кого сега да му ги подарам

Пустината во мојата душа

Ни ветриштата луди не ја сакаат

Солзите жешки

Ни земјата жедна не ги прима

Би ве лажел сега дека не е ништо

Знам нема да ми верувате

Но дојдете

Дојдте со мене во мојата иднина

Да молчиме

Ако се плашите

Оставемете со моите насолзени очи

Доволно е што Вечноста ми шепна

Песните те напуштаат

Пријателите те забораваат

Но јас не

Оставетеме со моите насолзени очи

Никодин Чернодримски... поет од Македонија кој пишува повеќе од 20 години, автор е на повеќе од 30 стихозбирки

Por favor, acceda con su perfil, para poder hacer comentarios y votar.

Eia (Росица Танчева)

2016-04-17T13:38:16+03:00

Интересно ми беше. Но бих се радвала, ако някой поет, умеещ да прави това, го адаптира.
ParvaNova (Ренета Първанова)

2016-04-17T00:50:07+03:00

Затова и когато е наложителен официален превод се изписва "адаптация от македонски език" а не регламентираното "превод от..." Иначе хубаво стихотворение, прочетох го по-рано! Поздрав за автора!
toxin (Таня Донова)

2016-04-16T23:28:12+03:00

Благодаря ти, че си сред нас, Никодин!