Ќе ја изгаснам љубовта

SanjaMKD (Sanja Atanasovska)
287 134

12 апр. 2018 г., 12:40

Поэзия

351 1 0

Ќе ја изгаснам љубовта

како светло во собата

кога ќе сфатам

дека е порок

кога ќе стане неразумна

кога ќе биде невозвратена

кога ќе ги растоварам

сите црни мисли

што му тежат

на овој ден и на овој живот

ќе живеам праволиниски

ќе пишувам сосема обично

ќе ја изгаснам љубовта

како светло во собата

кога ќе сфатам

дека за неа

нема место во поезијата.