Шафран
Скап мој шафране,
евтино те продадоа,
со збор ќе им се одмаздам.
Проклети да се,
тие што во срце си пукале,
и љубовта на берза ја понудиле.
Од облека
носам само црна историја,
а тешка чизма
ги гази моите раце.
Сега морам да молчам како гроб
и со себе да ја носам
тишината што ја има
само во библиотеките.
Скап мој шафране
носи го мојот шепот
одовде па до Персија.
Мене само силна љубов ме поразува!
Хотите прочитать больше?
Присоединяйтесь к нашему сообществу, чтобы получить полный доступ ко всем произведениям и функциям.
© Sanja Atanasovska Все права защищены
