молња од погледи
Пред мене и зад мене
молња од погледи
во очите на другите
сум творец на невозможното
ако ми купат мрак
ќе им продадам виножито
ако ми ја пресечат дланката што пишува
ќе ги удавам во нивниот бол и бес
до мене и покрај мене
молња од погледи
а сепак будна сонувам
а сепак ја собирам
енергијата од цел универзум
во една проста реченица.
© Sanja Atanasovska All rights reserved.
