Сонување во празно

SanjaMKD (Sanja Atanasovska)
284 135

Dec 15, 2018, 12:01 PM

Poetry » Phylosophy

296 0 2

Сонувањето во празно

е бесплатно

а сепак чини прескапо.

Никој не предвидува

каде ќе заврши

еден отсутно залутан поглед.

Кафето на масата

што долго те чека

проштално писмо ти пишува.

Ноќта ни раѓа куќи

во кои ќе се вселиме

откако одново

ќе се родиме.

Улицата им припаѓа

на портокалите

штом залезот

ќе скршне зад ридови.

Сонувам во празно

мојата стреа плаче

за среќата

од која кусур не земавме.

Please sign in with your account so you can comment and vote.