Трета песна за Афродита

SanjaMKD (Sanja Atanasovska)
287 134

Jan 6, 2021, 11:52 AM

Poetry » Phylosophy

885 1 2

Афродита,

секој ден се будиш

со прашањето

каде плови овој брод?

На долги стази

флертуваш со зборови.

Биди понизна на парфемите

штом сомничавите луѓе

ќе почнат да гребат

под површината

на она што си ти.

Афродита,

нарцису заколнат на тишина

пресели се во удобна кожа

и географијата на моралот

промени ја.

Постелата ти е мека

сонот ти е трнлив

а во талогот од кафе

маж со меч се заканува.

Којзнае, можеби премногу долго

ме инспирираш

и затоа собери го мојот мир

меѓу твоите скапоцени камења.

Please sign in with your account so you can comment and vote.